Plantun de Prouvènço

Pèr coumpara dos planto d'encò nostre

Hieracium liotardii & Picea abies

Hieracium liotardii

Asteraceae Compositae

Nom en français : Epervière de Liotard.

Descripcioun :
Aquesto esparello fai partido dóu group ANDRYALOIDEA, planto emé de fueio lanudo qu'an de péu emé de lòngui dènt (> 3 cop soun diamètre). Se recounèis peréu à si flour pourtado pèr un long pecouiet. Trachis dins li roucas cauquié au soulèu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 1 à 2 cm
Flourido : Printèms - Estiéu

Sòu : Ca
Autour basso e auto : 200 à 1700 m
Aparado : Noun
Mai à juliet

Liò : Roucas
Estànci : Subremediterran
Couroulougi : Ouroufito Sud-Ouèst-Aupenco
Ref. sc. : Hieracium liotardii Vill, 1779

Serento

Picea abies

Pinaceae

Àutri noum : Serénta, Sarento, Sourento, Serinte, Sùfi.

Noms en français : Epicéa, Épicéa commun.

Descripcioun :
Pèr pas s'engana emé lou sapin fau regarda coume soun lis aguio o peréu li pigno (o vacheto). Li fueio de la serento soun estacado tout à l'entour de la ramo coume uno brosso, au contro de li dóu sap que soun tóuti dins lou meme plan coume un penche. De nouta pamens qu'acò marcho pas pèr d'ùni sap fourestié (coume Abies pinsapo). Li pigno pendoulon, alor qu'encò dóu sap, quouro li poudès vèire, se tènon bèn drecho.

Usanço :
I'a touto meno d'utilisacioun dóu bos segound sa qualita. La pegoulo (resino) èi di proun vulneràri. Foundudo, servié, à passa tèms, pèr sougna li tigno (J.-R. Fortoul). Li jóuini fueio soun manjadisso (ensalado, pèis), an lou goust de citroun.